Alvida

Kuch log zindagi mein umeed banke aate hain,
Aur aankhon se pani ban ke beh jate hain,
Jab aandhi ko aana hi hota hai,
To hum gharonde q banate hain???


Aaj phir se ek baar kuch to choota hai,
Aaj phir se ek baar dil zara toota hai,
Wo kehte hain tumhe aadat nahi padi ab tak,
Aaj phir se ek baar humne khud ko sameta hai...


Saath nibhane k liye bahane ki zaroorat nahi padti,
Bahane ki zaroorat to saath chodne walo ko padti hai
Bahane ki zaroorat to kisiko manane k liye bhi nahi padti,
Bahane ki zaroorat to rishta todne walon ko padti hai...


Wo kehte hain zindagi rahi to phir milenge,
Zindagi to reh hi jati hai, beet jaate hain to wo pal,
Jinn palon mein humein aaj ko sawaarna tha,
Apne magroori mein unhe hi rondh k diye chal...


Jo hoke bhi na ho sake,
Jo jaake bhi na ja sake,
Kehne aur sunne ki khel itni si thi,
Magar wo samjha k bhi na samjha sake...